गोष्टींचा गुरूवार या उपक्रमात प्रत्येक गुरूवारी आपणास एक गोष्ट दिली जाणार आहे. ती गोष्ट आपण ऐकू शकता. तीच गोष्ट आपण खालिल दिली असेल त्याचे वाचन सुध्दा करू शकता. प्रथम श्रवण करा नंतर ती वाचन करा. यामुळे वाचन कसे करावे हे तुम्ही शिकाल. त्यानंतर त्याचप्रमाणे वाचन करून वाचनाचा व श्रवणाचा सराव करू शकाल.
खालिल प्ले बटणवर क्लिक करून कथा ऐका.
सशाचे कान झालेत लांब
पांढरा पांढरा ससा, देवाजवळ राहायचा,
हरणाच्या रथातून फिरायचा-
इवल्या इवल्या कानांचा
आणि गुंजासारख्या डोळ्यांचा.
एकदा देवाने सशाला बोलावले
आणि त्याला काम सांगितले,
“नारद बसले आहेत बागेत,
त्यांना घेऊन इकडे ये पळत !”
सशाने ऐकले-
'नारळ पडले आहेत बागेत; त्यांना घेऊन इकडे ये पळत.'
ससा धांदरट फार !
ससा खूप जोरात पळाला
आणि एकदाचा बागेत आला.
'नारळ तर झाडाला,
ते लागायचे कसे हाताला ?'
नारळ काही पडेना, झाडावर चढता येईना !
ससा बसला रडत. देव आला बागेत.
देवाने विचारले,
ससेराव, ससेराव, का रडता ?
नारळाच्या झाडाआड का दडता ? "
ससा म्हणाला, "नारळ काही पडेना !
झाडावर चढता येईना !
नारळ आणू कसा ? "
देव म्हणाला, "मी बोलावले नारदाला आणि तू ऐकलेस 'नारळाला ! ' ऐकत नाहीस नीट, थांब, कान तुझे करतो लांब.”
0 Comments